किशोर दहाल
बैशाख १५, २०७५| प्रकाशित १७:०६
काठमाडौं- शनिबार बिहान ९ बजेका लागि बोलाइएको केन्द्रीय कार्यसमिति बैठक साँझ ५ बजेसम्म पनि सुरू हुन सकेको छैन।
गत चैत ९ देखि जारी बैठकमा केन्द्रीय सदस्यहरूले शुक्रबार नै आफ्नो धारणा राखिसकेका छन्।
बैठकमा उठेका धारणाहरूलाई समेटेर महामन्त्रीले प्रस्तुत गर्ने प्रतिवेदनमा नेताहरू बीच सहमति जुट्न नसक्दा शनिबार सकिने भनिएको बैठक अनिश्चित बनेको हो।
महामन्त्रीको प्रतिवेदनले बैठकका असन्तुष्टिलाई सम्बोधन नगर्ने संकेत पाएपछि कतिपय सदस्यहरूले 'नोट अफ डिसेन्ट' लेख्ने संकेत दिएका थिए। जसले गर्दा सभापति सहितका मुख्य नेताहरूले सहमति गर्न चाहेका हुन्। सभापति देउवा, शशांक कोइराला, रामचन्द्र पौडेल, विमलेन्द्र निधि, विजयकुमार गच्छदार लगायतका नेताहरू दिउँसो तीन बजेदेखि छलफलमा व्यस्त छन्। शीर्ष नेताहरूले प्रतिवेदनको टुंगो लगाएपछि बैठक बसेर कांग्रेस बैठक टुंग्याउने तयारी छ।
देउवा पक्षइतरका नेताले चुनावी हारमा सभापति देउवाको रणनीतिक अकुशलता देखिएको, विधान विपरीत संसदीय बोर्ड, कार्यसम्पादन समिति बनाएकाले खारेज गर्नुपर्ने, महासमिति बैठक र अग्रिम महाधिवेशन बोलाउनुपर्ने लगायतका माग गरेका थिए।
त्यस्तै, देउवा पक्षकाले भने उल्लेखित कमजोरीमा सभापति मात्रै जिम्मेवार हुन नसक्ने धारणा राखेका थिए। नेतृत्व तहमा भएका सबैले जिम्मेवारी लिनुपर्ने बताएका थिए। साथै, दुई वटा कम्युनिस्ट पार्टी मिलेकाले कांग्रेस हार्नु स्वाभाविक भएको देउवा पक्षीय नेताहरूको तर्क थियो।
नेपाल लाइभमा प्रकाशित / http://nepallive.com/story/22730
बैशाख १५, २०७५| प्रकाशित १७:०६
काठमाडौं- शनिबार बिहान ९ बजेका लागि बोलाइएको केन्द्रीय कार्यसमिति बैठक साँझ ५ बजेसम्म पनि सुरू हुन सकेको छैन।
गत चैत ९ देखि जारी बैठकमा केन्द्रीय सदस्यहरूले शुक्रबार नै आफ्नो धारणा राखिसकेका छन्।
बैठकमा उठेका धारणाहरूलाई समेटेर महामन्त्रीले प्रस्तुत गर्ने प्रतिवेदनमा नेताहरू बीच सहमति जुट्न नसक्दा शनिबार सकिने भनिएको बैठक अनिश्चित बनेको हो।
महामन्त्रीको प्रतिवेदनले बैठकका असन्तुष्टिलाई सम्बोधन नगर्ने संकेत पाएपछि कतिपय सदस्यहरूले 'नोट अफ डिसेन्ट' लेख्ने संकेत दिएका थिए। जसले गर्दा सभापति सहितका मुख्य नेताहरूले सहमति गर्न चाहेका हुन्। सभापति देउवा, शशांक कोइराला, रामचन्द्र पौडेल, विमलेन्द्र निधि, विजयकुमार गच्छदार लगायतका नेताहरू दिउँसो तीन बजेदेखि छलफलमा व्यस्त छन्। शीर्ष नेताहरूले प्रतिवेदनको टुंगो लगाएपछि बैठक बसेर कांग्रेस बैठक टुंग्याउने तयारी छ।
देउवा पक्षइतरका नेताले चुनावी हारमा सभापति देउवाको रणनीतिक अकुशलता देखिएको, विधान विपरीत संसदीय बोर्ड, कार्यसम्पादन समिति बनाएकाले खारेज गर्नुपर्ने, महासमिति बैठक र अग्रिम महाधिवेशन बोलाउनुपर्ने लगायतका माग गरेका थिए।
त्यस्तै, देउवा पक्षकाले भने उल्लेखित कमजोरीमा सभापति मात्रै जिम्मेवार हुन नसक्ने धारणा राखेका थिए। नेतृत्व तहमा भएका सबैले जिम्मेवारी लिनुपर्ने बताएका थिए। साथै, दुई वटा कम्युनिस्ट पार्टी मिलेकाले कांग्रेस हार्नु स्वाभाविक भएको देउवा पक्षीय नेताहरूको तर्क थियो।
नेपाल लाइभमा प्रकाशित / http://nepallive.com/story/22730
No comments:
Post a Comment